|
|
Incontru
1984 - NATO
QUALCOSA DI TÈ
Récitant : José Zuccarelli
Qualcosa di tè
Una voce, una prichera,
Una petra nant’à u to sguardu,
È u tempu, fumaccia nera,
Chì mantene è chì brama.
Qualcosa di tè
Fiore mortu soprua à l’astracu
È ch’ùn anscia più,
Fiara bianca in catarrochju
Sfilachjata di rimorsu.
Qualcosa di tè
Persu in e lamaghje,
Croce di linu verde
O acellu di marmaru
Indulurisce u me core.
Tavagna
Retour
U PRIMU VIAGHJU
Récitant : Francis Marcantei
A stella matuttina cù li ochji spalancati
È l’urdinati maiò sparti in lu ventu
Cantanu a veghja di natale
Una canzona strana cum'è lu fiume
A cant’à lu so Diu
Ma in celu ci hè u segnu sicretu
Bellezza allughjata in orgogliu di tè
Quandu luce affanosu è anticu u sole di natale.
Tavagna
Retour
MEMORIA
Récitant : Francis Marcantei
Case abbandunate è sole, ruvinate
Duve stavanu i signori
Lamenti è silenziu.
Petra tamanta nant’a porta
È le spalle sò brusgiate
Da u sole.
Fiatu listessu à lu fiatu
Di le stelle
Donna à l’usciu senza spechju.
Sguardi di terra rossa
Cum'è u sole
Cum'è quella di i muri.
Vergina persa
Vinduta viva
È lu sognu
Diventa chjosu.
Tavagna
Retour
MALAMORTE
Récitant : Jean-Pierre Lanfranchi
Era vistutu di pilone
Mantellu maiò nantu à le spalle
È curria u sangue in a vadina
Da parte di u so pettu tafunatu
Annant’à a terra chì pigliava u so’
È u so fiatu.
Oghje ùn hè ghjornu di carnivale
È le maschere si ne drittu à lu locu
Ma micca quellu di a morte
Biancu è neru
O la me sorte.
Tavagna
Retour
VENTU
Récitant : Francis Marcantei
Paese di petre nere è grisge
Alba chjara è tramontu serenu
Cantu celestu di a terra rughjinosa
Sole abbagliulante o bughjura
Strette ricamate di ventu
Muntagna cutrata in a so sciuma
Immensità persa in u locu
Luna nova chì spunta
È chì spampilluleghja
Buffulata culor di rosa
Fasciu di fiore è a filetta…
Tavagna
Retour
DOPU AVÀ
Récitant : José Zuccarelli
Stracci tesi nantu à le stelle
Vechji bascheri di seta
Chì fighjulavanu
Culore di marmaru
U cantu di l’acellu.
Melanculia
Campanili neri di farru
È chì sò bianchi
À lu chjar’ di luna.
Silenziu à lu bughju
Da i musicanti sicuri
È eiu t’aspettu tranquilla
In u smintegu di tè
Tù credi ch’ellu hè mezanotte
Ma eiu ti dicu
Ch’ellu ùn hè micca troppu tardu.
Tavagna
Retour
|
|
|
Accueil .
Club .
Groupe .
Settembrinu .
Galeries .
Livre d'Or .
PressKit .
Liens
|